“Бруногийн гайхамшиг” ба Шинжлэх ухаан

Хайделбергт хийгдсэн анагаахын зүгээс нотлох шалгалтын дүгнэлтийг бичгээр өгөх амлалт

Энэ Хэрфордод байсан үед Рэвю сэтгүүлийн анагаахын салбарын мэргэжилтнүүд Грёнингийн эдгэрлийн үр дүнг нотлохоор шалгаж эхэлсэн. Марбургийн сэтгэл судлаач, эмч, профессор, доктор Х. Г. Фишер тусгай сурвалжлагчийн бүрэлдэхүүнтэй Херфорд руу явсан. Тэнд эдгэрсэн хүмүүстэй ярилцлага хийж, Грёнингийн "арга барил" нь үнэндээ амжилттай байсан гэж гайхшран тодорхойлж байсан юм. Ингээд Рэвю "Грёнингийн гайхамшиг"-т шинжлэх ухааны үүднээс тайлбар хийхээр шийдсэн. Хайделбергийн их сургуулийн эмнэлэг дээр "шидэт эмч"-ийн "эдгээх арга барилыг" судлахаар болов.

Бруно Грёнинг Фишерийн саналыг хүлээн авсан, учир нь эдгээх үйл явц амжилттай болбол эерэг дүгнэлт гаргаж өгнө гэж Фишер түүнд амласан юм. Грёнинг үйл хэргээ саадгүй гүйцэтгэх арга замаа оллоо гэж найдаж байв.

Эмч нарын нүдэн дээр болсон эдгэрлүүд - “Бруно Грёнинг бол луйварчин биш”

Нотлох шалгалт 7-р сарын 27-нд эхэлсэн. Түүнд бичсэн 80 000 гаруй тусламж хүссэн захиануудаас өвчтөнүүдийг сонгон, юу чаддагаа тэрээр шалгалтынханд батлан харуулах болов. Мөн Хайделбергийн Лудолф-Крээл эмнэлгийн зарим өвчтөн нэмэгдэж ирсэн. Тэднийг урьдчилан маш сайн үзэж, оношийг нарийн тогтоосон байна. Дараа нь тэд Грёнинг руу очиж, “түүний арга барил”-ыг өөрсдийн бие дээр хэрхэн нөлөөлөхийг харахаар болов. Энэ бүх хугацаанд эмч нар хамт байлцжээ. Тэд өвчин хэрхэн бага багаар аяндаа алга болж байсныг харсан гэрч нар болсон байна. Тухайн эмнэлэгт хийгдсэн давтан шинжилгээгээр тэдний эдгэрлийг баталгаажуулсан байна. Бүр эдгэршгүй гэгддэг “Бехтеревийн өвчин” хүртэл эдгэрсэн байлаа.

Рэвю сэтгүүлд нийтлэгдсэн урьдчилсан дүгнэлтэнд профессор, доктор Фишер “Бруно Грёнинг бол луйварчин биш, харин төрөлхийн аявьастай сэтгэлийн эмч” гэж тайлбар хийжээ. Үүгээр “Грёнингийн гайхамшигт үзэгдэл” гэдгийг өөрийн өнцгөөс тайлбарлах гэж оролдсон боловч түүнд шударгаар хандахад нөлөөлж чадаагүй.

Грёнинг ашиг олохоос татгалзсан нь

Бүх үр дүнд үнэлгээ хийсний дараа эцсийн дүгнэлт гарах ёстой байв. Бруно Грёнингт түүний үйл хэргийн цаашдын замд саад бэрхшээл учрахгүй болно гэж баталгаа өгч байв. Энэ хооронд ноён профессор Фишер, ноён профессор фон Вайцзекер (түүний ивээл дор энэхүү ажиллагаа явагдсан) нар Бруно Грёнингт дараах саналыг тавьсан байна: Тэд эмчилгээний газрууд байгуулж, тэнд эмч нарын хамт тэр үйл ажиллагаа явуулна. Харин удирдлага болон өвчтөний сонголтыг тэд өөрсдөө хариуцна.

Энэ талаар Бруно Грёнинг: “Ноён профессор Ф.-ийн үүнтэй холбоотой надад тавьсан санхүүгийн нөхцөл г.м нь миний хувьд хүлээн зөвшөөрөх боломжгүй зүйл байв. Мэдээж энэ бүгдийг санхүүжүүлэх ноёдуудтай олон удаа уулзаж ярилцсан. Би ноён профессор Ф.-ийн тавьсан саналыг хүлээн зөвшөөрөх боломжгүйгээ илэрхийлээд татгалзсан үндэслэлээ дараах байдлаар тайлбарласан юм. Нэгд, надад ямар ч мөнгө байхгүй учраас санхүүгийн үүрэг хүлээхгүй; хоёрт, үйл хэргээ бизнес болгоно гэж хэзээ ч бодож байгаагүй. Ийм учраас эдгээр бүх зүйл нь миний хувьд ямар ч боломжгүй гуйлт байв. Нөгөө талаар би зөвхөн хийх ёстой үйлээ үйлдэх хүсэлтэй байсан: Энэ нь тусламж хайгчдад туслах, энэ үүднээс эмч, сэтгэл зүйчидтэй хамтрах саналыг би тэдэнд тавьж болох ч, харин хэзээ ч үүгээр бизнес хийхийг хүсээгүй юм” гэжээ.

Дүгнэлт гарахаа больж, хуультай зөрчилдөх болсон нь

Бруно Грёнингийн татгалзсан хариу нь профессорууд түүнийг сонирхохоо болиход хүргэсэн байна. Амлаж байсан дүгнэлт хэзээ ч гараагүй юм. Харин түүний үйл хэргийг чөлөөтэй явуулахыг нь дэмжихийн оронд түүний замд нь шинэ саад тотгор тавьж байсан. Судалгаа, шинжилгээний явцад түүний “эдгээх арга барил”-д “эмчилгээ”, “өвчтөн” зэрэг нэр томьёо хэрэглэж, түүний эдгээх үйлийг анагаахын эмчилгээний үйл ажиллагаа хэмээн үзжээ. Ингэснээр энэ нь уламжлалт эмчилгээний хуультай зөрчилдөх нь тодорхой болсон юм.

1949 он - олон нийтийн анхаарлын төвд

Херфорд хотноо Бруно Грёнингийн үзүүлсэн нөлөө

тусламж хайгсад Грёнингийг бүчин авсан нь

9 настай Дийтер Хюлсманн удаан хугацаагаар хэвтэрт байлаа. Тэрээр булчингийн сулралын хүнд хэлбэрээр өвдөн шаналж, түүнийг үзсэн эмч, профессоруудын аль нь ч тусалж чадаагүй юм. Бруно Грёнинг тэр хүүг хүлээн авсны дараа хүү дахин алхаж чаддаг болсон. Инженер Хюлсманн хүүгийнхээ гэнэтийн эдгэрэлд баярлан зочноо гэртээ үлдэхийг хүссэн байна. Хюлсманн “гайхалтай хүн”-ээр бусад өвчтэй хүмүүст туслуулах үүднээс тэднийг гэртээ урихыг хүссэн байна.

Бруно Грёнинг энэхүү саналыг хүлээн зөвшөөрсөн ба өдрөөс өдөрт тусламж хүссэн олон хүн ирдэг болжээ. Улам л олон хүн Грёнингийн гайхамшигт үйлдлийг олж харж байлаа. Нэг их удалгүй түүний нэрийг амтай болгон хэлэх болсон. Сонин хэвлэлүүд “шидэт эмч”-ийн талаар мэдээлж, Британийн эзэмшлийн бүсэд тэр өдөр тутмын ярианы сэдэв болж байв. Мянга мянган хүн Вилхелмын талбай руу цуван, хүмүүс байшинг бүчин авсан байлаа.

Мюнхенер Меркюр өдрийн сонины Манфрэд Лютгенхорст 1949 оны 6-р сарын 24-нд бичихдээ: “Намайг үдээс өмнө 10:30-д Херфордод очиход, Вилхелмын талбайд байдаг хоёр давхар жижиг байшингийн урд мянгаад хүн цугларсан байлаа. Үгээр тайлбарлашгүй аймшгийн дүр зураг харагдаж байв. Үй олон тахир дутуу хүмүүс түрдэг тэрэгтэйгээ, зарим нь гэрийнхнээрээ өргүүлсэн, сохор, дүлий, оюун санаа болон биеийн хөгжлийн бэрхшээлтэй хүүхэдтэй ээжүүд, настай эмэгтэйчүүд, залуу харчуул бүгд шахцалдан, ёолцгоож байлаа. Бараг зуугаад машин, том тэрэг, автобус зогсоол дээр байсан ба бүгд л холоос наашаа зорьж ирсэн байв.”

Саажилт, ходоодны түгжрэл, хараагүй хүмүүс: “Ноён Грёнинг намайг харсан, одоо би цоо эрүүл боллоо.”

Манфрэд Лютгенхорст цааш нь: “,Та эдгэсэн гэдэгтээ итгэлтэй байна уу?’ гэж би өвчтэй хүмүүсээс асуулаа. Тэд толгой дохино. ‘Та өчигдөр энд байсан ч болоосой’ гэж нэг нь хариулав. ‘Ноён Грёнинг Райнландын Фийрсэнд байсан. Энэ талбай дээр саажилттай таван хүн гарч ирээд эрүүл болоод гэртээ харьсан. Алсаас илгээсэн эдгэрэл - энэ талбай тэднийг эрүүл болгосон.’ Бусад өвчтөнүүд түүний хэлсэнийг баталж байв.

Би цаашаа хүмүүсийн дундуур орж, тэдний гайхалтай яриаг бичиж авч байлаа. Зөвхөн энэ тэмдэглэлээр ном бичихэд ч хангалттай. Намайг тамхи асааж байтал миний хажууд байсан нэгэн залуу: ‘Та нэг ширхэгийг худалдаач!’ гэлээ. Тэр цэргийн дүрэмт хувцас өмссөн байсан ба дээр Оросоос гэр рүүгээ харьж яваа хүн шиг харагдсан. Би түүнд тамхи өглөө. Тэр тамхиа асааж, зоригтойгоор ингэж хэлсэн юм: ‘Та намайг харж байна уу, би одоо бүхнийг өөрөө хийж чаддаг болсон.’ Ингээд тэрээр баруун гараа хуруунуудтай нь, мөн баруун хөлөө хөдөлгөж байлаа. ‘Таныг бас Грёнинг эдгээсэн үү?’ гэж би асуув. ‘Тиймээ, намайг Орост байхад баруун тал маань мэдээгүй болсон. Ноён Грёнинг намайг харсан, тэгээд би одоо эв эрүүл болсон. Би одоо ч гэсэн итгэж чадахгүй байна.’ Аз жаргалтайгаар тэрээр үе мөчөө хөдөлгөж байв.

Би дөчөөд насны буурал үстэй эмэгтэйн хажууд цугларсан хүмүүсийг зорилоо. ‘Мэдээж’ гэж тэр эмэгтэйн хэлэхийг сонсов. Тэр цааш нь ‘Намайг Ноён Грёнинг эдгээсэн. Би ходоодны маш том шархтай, өвчнөөсөө болж их турж эцэн, унтаж чадахаа больсон. Бид арван хоёулаа Грёнинг дээр орсон. […] Намайг тэр харангуут надад ходоодны шарх яг л чулуу шиг газарт унаж байгаа мэт санагдсан. Түүнээс хойш би ямар ч өвчингүй, таргалаад байгаа. Рентген зураг авахуулахад ходоодны шарх ул мөргүй алга болсон байна. Би өөрийгөө эмч нарын үзлэгээр оруулсан. Эмч нар үнэхээр гайхсан гэдгийг би та нарт хэлье!’

Эмэгтэй цааш үргэлжлүүлэн: ‘Энэ бол юу ч биш. Өнгөрсөн 7 хоногт энэ талбай дээр нэгэн хараагүй залуу байсан. Тэр хэдэн өдөр, шөнө хүлээсэн юм. Би байнга үүгээр ирж байгаа болохоор тэр хүнийг би анзаарч харсан. Би түүнийг өрөвдөөд хоолонд урьсан боловч тэрээр ‘Үгүй, хэрвээ ноён Грёнинг гарч ирвэл би тэр хормыг алдаж болохгүй’ гээд зөвшөөрөөгүй. Би түүнд талх авчирч өгөнгөө ‘би таныг вокзал явахад чинь тусалнаа’ гэхэд ‘Надад туслах шаардлагагүй, учир нь би ганцаараа вокзал руу явдаг болно’ гэсэн дээ. Дараа нь би өөрийнхөө нүдээр харсан. Ноён Грёнинг гарч ирэхэд тэр залуу ‘би харж чадаж байна’ гэж хашгирч байлаа. Үнэхээр түүний нүдний бүрэлзүүр алга болсон байсан. Тэрээр надад намайг ямар цүнх гартаа барьж байгааг хэлсэн. Мөн тэрээр: ‘тэнд машин явж байна, машины дугаар нь тэр байна’ гэж хэлсэн. Дээр нь бас би ганцаараа вокзалыг олж чадна гэсэн. Ойр зогсож байсан хүмүүс баярласандаа уйлцгааж байлаа” гэсэн ярьсан юм.

Төрийн байгууллагууд ба эмч нарын холбооноос эмчлэх хориг тавьсан нь

Тун удалгүй төрийн байгууллагууд, ялангуяа эрүүл мэндийн газраас энэ байдлыг сонирхох болсон. Шалгалтын комисс байгуулагдаж, Бруно Грёнингд эмчлэх хориг тавьсан юм. Зарим нөлөө бүхий эмч нар түүний эвлэршгүй дайсан болов. Тэд бүхий л хүчээ дайчлан, түүний үйл хэрэгт хориг тавьж, эдгээх чадварт нь шинжлэх ухааны үүднээс дүгнэлт хийх ёстой гэж шаардсан юм. Хоригийн цаана ямар сонирхол байгааг оролцсон эмч нарын дараах тайланд тодорхой байдаг: “Грёнинг юу хүссэнээ баталж болох боловч түүнд хүн эмчлэх зөвшөөрөл өгөхгүй.” “Грёнингтэй хамтран ажиллах нь эмч нарын мэргэжлийн нэр төрийг гутааж байна.” 6 дугаар сарын сүүлээр тэрээр Хэрфордоос явах ёстой болсон. Эмчлэх зөвшөөрөл авах түүний бүхий л хүчин чармайлт бүтэлгүйтсэн юм.

Ажил мэргэжил ба амьдралын чухал үе шатууд

Ирээдүйн үйл хэрэгтээ бэлдсэн нь

Албан шахалтаар орсон болон төгсөлгүй орхисон сургуулийн он жилүүд

Улсын сургуулийн 5 дугаар анги төгссөний дараа Бруно Грёнинг худалдааны сургуульд элсэн суралцжээ. Гэвч хоёр жил хагасын дараа аавынхаа шахалтаар энэ сургуулиас гарсан байна. Барилгын өрлөгчин тэрбээр хүүгээ мөн л барилгын мэргэжил эзэмшихийг хүсэж байжээ. Ингээд түүнийг мужааны мэргэжилд сургасан боловч бас л төгсөж чадаагүй юм. Дайны дараах хүнд хэцүү цаг үе ийм боломж олгосонгүй. Сургалт дуусахаас 3 сарын өмнө түүний суралцаж байсан компани захиалгагүйн улмаас хаагдах болсон. Үүний дараа тэрээр олон төрлийн ажил хийж үзжээ. Эгон Артур Шмидт тухайн цаг үеийн талаар бичихдээ:

“Эхлүүлсэн ажил болгондоо тэрээр амжилт олсон”

“Энэ тухай хамт ажиллаж байсан олон хүн түүний нэгэн онцгой чанарын талаар “цаг засаж байхдаа ч тэр, радио хүлээн авагч засахдаа ч тэр, сантехникчээр ажиллаж байхдаа ч тэр эхлүүлсэн ажил болгондоо тэрээр амжилт олсон гэж ярьж байжээ. Тэрээр техник их сонирхдог байсан. Түүнчлэн хүнд хүчир, биеийн хөдөлмөр шаардсан ажил хийхээс ч тэрээр ичиж, зовдоггүй байв. Боомтын ажилчны хувьд тэрээр бусад нөхдийн нэгэн адил хар ажил хамтран хийдэг байжээ. Өндөрлөгт хүрэх түүний зам гүн ёроолоор дайрч гарна гэдгийг ч тэрээр нуудаггүй байв. “Намаг балчиг туулаагүй хэн боловч гэгээнтэн болох нь үгүй” гэсэн эртний хятадын нэгэн зүйр үг байдаг. Урьд нь хамтран ажиллаж байсан олон нөхдийнх нь хангалттай гэрчлэл байдаг бөгөөд саяхан би нэгийг хүлээн авсан ба Бруно Грёнингтэй нэг жил хамтран ажилласан, тэр өөртэй нь таарсан хамгийн сайн, хамгийн төлөв төвшин анд нөхөр агаад түүнийг сайнаар дурсаж байдаг хэмээн ямар ч тайлбаргүй, зүгээр л санагалзаж буйгаа гэрчлэлдээ бичжээ.”

Гэрлэлт ба гэр бүлийн хүнд цохилтууд

21 насандаа тэрээр гэр бүлтэй болжээ. Гэвч эхнэр нь түүнийг ойлгодоггүй байв. Эхнэр нь түүнийг хөрөнгөтний гэр бүлийн амьдралд байлгахыг хүсч , анагаах увьдисыг нь “хачин зуршил” хэмээн хүлээн зөвшөөрдөггүй байжээ. 1931 болон 1939 онд төрсөн Харальд ба Гюнтер гэх хөвгүүд нь хоёулаа есөн настайдаа нас баржээ. Тоолж баршгүй олон хүнийг Бруно Грёнинг эдгээсэн боловч Гертруд Грёнинг нөхрийнхөө анагаах увьдист итгэдэггүй байв. Тэрээр хүүхдүүдээ түүнд бус эмч нарт даатгадаг байжээ. Гэвч анагаах ухаан тус болж чадаагүй юм. Хоёр хүү хоёулаа эмнэлэгт нас барсан байна. Харальд 1939 онд Данцигт, Гюнтер 1949 онд Дилленбургт. Энэ бол Бруно Грёнингийн хувьд хувь заяаны хүнд цохилт байлаа. Олон жилийн дараа ч хөвгүүдийнхээ тухай тэр нулимс асгаруулан ярьдаг байжээ.

Ийнхүү дэлхийн хоёр дайны хоорондох цаг хугацаа түүний хувьд хожмын үйл хэргийнх нь бэлтгэл үе байсан юм. Тэрээр хүмүүсийг амьдралын бүхий л үед нь ойлгож, тэдний зовлонг хуваалцахын тулд өөрөө гашуун зовлон амсжээ.

Дайны фронтод ч, олзлогдсон үедээ ч - буудахын оронд тусламж үзүүлж байв

Дэлхийн хоёрдугаар дайны үеэр 1943 онд тэрээр Германы армид татагджээ. Гэвч дарга нартайгаа тэрсэлдэж эхэлсэн байна. Хүн буудахаас татгалзсаны улмаас түүнийг цэргийн хээрийн шүүхээр сүрдүүлж байв. Гэсэн ч эцэст нь тэрээр фронт руу арга буюу явжээ. Тэрээр шархдан, орос цэргүүдэд олзлогдон, 1945 оны эцсээр Баруун Германд дүрвэж иржээ.

Дайны үед ч Бруно Грёнинг өөрийн зангаараа бусдад туслахад бэлэн байлаа. Фронтод байхдаа тэрээр боломж нэг бүрийг алдахгүй ашиглаж бусад цэргүүд болон энгийн иргэдэд тусалж байлаа.

Оросын нэгэн тосгонд байхдаа тэр өлсгөлөнд нэрвэгдсэн оршин суугчдад армийн хүнсний агуулахад орох боломж олгож байжээ. Олзлогдоод цэргийн хорионд байхдаа тэрээр бусад нөхдөдөө сайн хувцас, сайн хоол, сайн орон байр олгохын төлөө тэмцэж байсан. Өлсгөлөнд нэрвэгдэж, харангадсан үй олон хүнийг тэрээр эдгээж өгсөн юм. Дайны аймшигт үеэр тэрээр ганц ч хүнийг хөнөөгөөгүй бөгөөд тоймгүй олон хүнд тусламж үзүүлжээ.

Гэр бүл салалт ба бүх хүмүүст өөрийгөө зориулсан нь

1945 оны 12 дугаар сард тэрээр олзлолтоос суллагдаж, Хессен мужийн Дилленбург хотод амьдралаа шинээр эхлүүлж, гэр бүлээ авчиржээ. Хоёр дахь хүү нь нас барсаны дараа эхнэр нь түүнийг бусдад тусламж үзүүлэх бүрт хориг тавьж байсан тул тэрээр эхнэрээсээ салжээ. Тэрээр өөртөө байгаа анагаах эрч хүчийг бүх хүмүүст зориулах нь өөрийн үүрэг гэж үзсэн. “Би хэн нэгнийх бус, би хүн төрөлхтөнийх” хэмээн хэлж байжээ.

1949 оны эхээр тэрээр Рурын сав газрын нутагт ирэв. Эдгэрсэн зарим хүмүүсийн мэдээллийн дагуу маш олон хүн Бруно Грёнингийг сонирхох болжээ. Тэрээр нэг байшингаас нөгөө байшинд, хаана өвчтэй хүн тусламж хүсч байна, хаана тэр хэрэгтэй байна, тэр газар руу очиж байлаа. Хүүгээ үзүүлэхийг хүссэн Херфорд хотын нэгэн инженерын урилгыг 1949 оны гуравдугаар сард хүлээн авах хүртлээ тэр жижиг хүрээнд хүмүүст тусалж байжээ.

Хүүхэд нас ба өсвөр үе

Зодуулж, шоолуулж, үл ойлголцож, хүлээн зөвшөөрүүлсэн - бусдаас өөр хүүхэд байсан

Хүнд хэцүү орчноос зугтаж байгальд ирээд: “Энд би бурхантай учирсан” гэдэг байв

Бруно Грёнинг нь 1906 оны 5-р сарын 30-нд Данциг-Олива хотод Аугуст ба Маргарете Грёнингийн гэр бүлд долоон хүүхдийн дөрөв дэх хүү болон төрсөн. Түүний эцэг, эх нь хүүгийнхээ ер бусын гэдгийг бүр дээр үеэс мэддэг байсан. Жишээ нь: аймхайд тооцогддог туулай болон гөрөөснүүд түүн рүү ирж, айхгүйгээр илүүлдэг байлаа.

Бруно Грёнинг өсөж томрох тусам, түүний эргэн тойрон түүнд улам л өөрийн биш юм шиг санагддаг болсон. Хааяа гэртээ хөх эрээн болтлоо зодуулдаг байсан тухайгаа Грёнинг ярьдаг байжээ. Тэрээр зодуур түүний биеийг ердөө ч өвтгөдөггүй байсан, харин өөрийг нь хэн ч ойлгодоггүйг мэдэрдэг байсан гэж дурсдаг байжээ.

Хүнд хэцүү орчноосоо залхан, бяцхан Бруно байгаль руу зугтдаг байсан байна. Тэр зарим нэг хүмүүсээс илүү амьтан, мод ургамалд илүү татагдаж байв. Жаалхүү ойролцоох ойд очиж, хэдэн цагаар ч болов алга болдог байжээ.

“Энд би бурхантай учирсан. Бут сөөг бүрт, мод бүрт, амьтан бүрт, тиймээ бүр чулуунд хүртэл би бурханыг мэдэрч байлаа. Хаана ч хамаагүй хэдэн цагаар - цаг хугацааны ойлголт байдаггүй байсан – зогсоод эргэцүүлэн бодохоор надад үргэлж миний дотоод амьдрал хязгааргүй орчин уруу улам тэлж байгаа мэт болдог байсан.”

Тэр өөрийн үе тэнгийнхний зодоонд оролцдоггүй байв. Учир нь тэр ихэнхдээ тоглоом дохууны гол бай болж, бусдаас онцгой байдгаасаа болж байнга зодуулж, шийтгүүлдэг байлаа.

Хүн ба амьтны эдгэрэл

Цаг хугацаатай хамт Бруно Грёнинг бүхий л талаараа танигдаж, энэ нь сүүлдээ түүнийг олон нийтийн анхаарлын төвд авчирсан юм. Түүний ойр орчинд байгаа хүмүүс болон амьтад эрүүл болж байлаа. Ялангуяа, дэлхийн 1-р дайны үед цэргийн хээрийн эмнэлгүүдээр байнга очдог байсан ба тэнд түүнийг хүмүүс харах дуртай байв. Түүнийг ирэхэд шархадсан хүмүүсийн бие сайжирч, улмаар эрүүл болж байлаа. Та жаахан хүү Брунотойгоо ирээч гэж өвчтэй хүмүүс ээжид нь хүсэлт тавьж байсан байна. Гэр бүл болон танилын хүрээнд хүүгийн эдгээх чадварыг дуртайяа хүлээн зөвшөөрсөн юм.

Бие даасан байдлыг хүсэмжилсэн нь

“Намайг жаахан хүүхэд байхаас л эхлэн миний ойр орчинд байсан өвчтэй хүмүүс эдгэрч, мөн сэтгэлийн хөөрлөөсөө болж хэрүүл маргаан хийж байсан хүүхэд болон томчуул намайг хэдэн үг хэлэхэд л чив чимээгүй болдог байв. Угийн аймхай эсвэл аюултай араатанд тооцогддог амьтад ч миний хажууд ирэхээрээ зөөлөн, номхон болдог байсныг би хүүхэд байхаасаа л анзаарсан. Гэтэл аав, ээжийнхээ гэрт харин ч эсрэгээрээ сонин бөгөөд түгшүүртэй байдаг байсан. Удаачгүй би бие даан амьдрахыг хүсэмжлэх болж, гэр бүлийнхээ “буруу ойлголт”-оос ангижрахыг хичээх болсон” гэж Бруно Грёнинг намтартаа бичиж байжээ.

Бруно Грёнинг (1906-1959)

Нийгэмд шуугиан тарьсан ер бусын хүн

1949 оны нэг шөнийн дотор л Бруно Грёнинг гэдэг нэр германы олон нийтийн анхаарлын төвд гарч ирсэн юм. Хэвлэл, радио ба долоо хоногийн тоймоор түүний тухай мэдээлж байлаа. “Шидэт эмч“ гэж нэрлэгдэх болсон түүний үйл явдлаар шинэхэн байгуулагдсан тулгар улс тэр чигээрээ амьсгалж байв. Түүний тухай кино хийгдэж, эрдэм шинжилгээний ажилтнуудаас бүрдсэн судалгааны хороод байгуулан, төрийн байгууллагууд дээд түвшиндээ хүртэл Бруно Грёнингийн хэрэгт анхаарлаа хандуулж байсан. Нордрайн Вэстфален муж улсын Нийгмийн хамгаалалын сайд Бруно Грёнингийг уламжлалт эмчилгээний хууль зөрчсөн гэж буруутгаж байхад, Баваарын Ерөнхий сайд харин Грёнинг шиг ийм “ер бусын үзэгдэл”-д хуулийн зүйл ангиар саад болж болохгүй гэж үзэж байлаа. Баваарын Дотоод хэргийн яам Грёнингийн үйл ажиллагаа бол “үнэ төлбөргүй хийж байгаа буяны ажил” гэж онцлон тэмдэглэж байв.

Хүн амын бүхий л давхарга бүрт Бруно Грёнингийн хэргийн талаар ширүүн маргаан дэгдэж байсан. Сэтгэл хөдлөлийн давалгаа маш их газар авсан. Эмч, сэтгүүлч, хуульч, улс төрч болон сэтгэл судлаачид бүгд л Бруно Грёнингийн тухай ярьж байлаа. Түүний нөлөөгөөр бий болсон гайхалтай эдгэрлүүд нь зарим хүмүүст дээд тэнгэрээс илгээсэн нигүүлсэнгүй их хайр хишиг байсан бол бусад нь үүнийг худал хуурмаг зүйл гэж үзэж байлаа. Гэсэн хэдий ч, анагаах ухааны судалгаагаар эдгэрлүүдийн бодитойг нотолж байсан.

Дэлхий даяар эгэл жирийн ажилчныг сонирхож байлаа.

Бруно Грёнинг 1906 онд Данциг хотод төрж, дайны дараа Баруун Германд дүрвэн ирсэн эгэл жирийн ажилчин хүн байв. Тэрээр олон төрлийн ажил хөдөлмөр эрхэлж байсан бөгөөд мужаан хийж, үйлдвэрт болон боомтод ажиллаж байсан. Тэгтэл тэрээр гэнэтхэн л олон нийтийн сонирхолын төвд зогсох болсон. Гайхамшигт эдгэрлийн тухай мэдээ дэлхий даяар тархсан. Бүх улс орноос өвчтөнүүд хийгээд тусламж хүссэн захидал, ажил төрлийн санал түүнд ирж байлаа. Арван мянган эдгэрэхийг хүссэн хүмүүс түүний эмчилгээний газруудад хүрэлцэн ирдэг байв. Анагаах ухаанд хувьсгал гарах тохироо бүрдсэн байлаа.

Хоригууд, шүүхийн ажиллагаа, шунахай хамтрагчдын хавчлага дор

Гэвч хатуу ширүүн сөрөг хүчин ч бас байсан юм. Тэд Бруно Грёнингийн үйл хэрэгт хориг саад тавихад бүх хүчээ дайчилж байв. Эмчилгээний хоригоор түүнийг буруутгаж, шүүхийн ажиллагаа түүнд чирэгдэл учруулж байсан. Үйл хэргээ журмаар нь явуулах гэсэн түүний бүх оролдлого талаар болсон юм. Энэ нь нэг талаас нийгмийн тодорхой хүчний хүчтэй эсэргүүцэл, нөгөө талаас түүний хамтран ажиллагсадын чадваргүй байдал, шунахайн сэдлээс болжээ. 1959 оны 1-р сард Бруно Грёнинг Парис хотноо эх гэр рүүгээ буцах үед түүний эсрэг шүүхийн шүүн таслах сүүлчийн хурал ид дундаа үргэлжилж байсан юм. Шүүхийн шүүн таслах ажиллагаа хаагдсан боловч хэзээч эцэслэн шийдвэр гараагүй билээ. Олон асуулт хариултаа хүлээсэн хэвээр үлджээ.

Бурхан бол хамгийн том эмч

Эдгэшгүй зүйл гэж байхгүй

Итгэх ба бишрэн шүтэх – Эдгэрлийн урьдчилсан нөхцөл

Үнэхээр эдгээж чадах нь Бурхан болохоос хүн биш. Бурхан бол хамгийн том эмч. Түүний хувьд эдгэшгүй болон боломжгүй зүйл гэж байхгүй. Бруно Грёнинг: “Итгэ, бишрэн шүт, Бурханлаг эрч хүч туслана, эдгээнэ!"

Тусламж хайгчдаас хүсэх цорын ганц зүйл бол Брунод итгэх, Бурханыг бишрэн шүтэхэд бэлэн байх явдал, Түүний анагаагч эрч хүчийг хүлээн авах, эрүүл болохыг хүлээн авах. Хэрвээ хүн энэ урьдчилсан нөхцлийг биелүүлбэл, Бруно Грёнинг түүнд тусална. Хэрвээ хүн бүрийн итгэл сул байвал тэр өөрийнхөө туслалцааг үзүүлнэ: “Тэгээд Та өнөөдөр арай итгэж чадахгүй байвал, Таныг жинхэнээсээ итгэх хүртэл би Таны төлөө үүнийг хийе. Та өнөөдөр гуйж, залбирч чадахааргүй байгаа бол би Таны төлөө одоохондоо хийе.”

Бурхан бол шийтгэдэг шүүгч биш

Бруно Грёнингоор дамжуулж Бурханы тусламж хүртсэнээр хүмүүс эрүүл болно гэдэгт итгэж болно. Бүгд тусламж авах болно. Бурхан бол шийтгэдэг шүүгч биш, харин хайраар бялхсан аав гэдгийг хүн болгон мэдрэх болно. Бүх хүн түүний хүүхдүүд бөгөөд тэр бол таны хувьд найз тань, мөн таны аврагч тань.

Бруно Грёнингоор дамжуулж хүн Бурханы гайхамшигийг дахин мэдэрнэ. Бурхан бол бүх хүмүүсийн хувьд хамгийн том эмч мөн туслагч. Түүний хувьд боломжгүй зүйл гэж байхгүй. Бруно Грёнинг хэлэхдээ: “Тайлбарлаж болохгүй маш олон зүйл байдаг ч, харин тохиолдож болохгүй зүйл гэж байдаггүй.”

Хүн бол сүнс

Бие бол зөвхөн газар дэлхий дээр хэрэглэгдэх сүнс болон сэтгэлд зориулагдсан бүрхүүл

Бруно Грёнинг өөрийн сонсогч нартаа хүний жинхэнэ мөн чанарыг тайлбарлаж өгсөн байдаг. “Та хэн бэ?” гэж асууж. Сонсогч нараас хэн нь ч өөрийн нэрийг хэлэхээс өөр хариулт өгч чадаагүй. Тэр дахиад л “Таны бие Та юу?” гэж цааш асуув. Бүгд дуугүй л байлаа. Тэр тайлбарлахдаа, бид өмнө нь биетэй байгаагүй, харин бид бүгд сүнс. Бид өөрсдийн биеийг зөвхөн газар дэлхий дээр амьдрахын тулд Бурханаас зээлж авсан. Эхээс төрөхдөө биетэй болсон бөгөөд үхэхдээ түүнийг газарт үлдээнэ. Бидний сэтгэл бол сүнс, бие хоёрыг холбодог бөгөөд сайн, муу мэдлэг, туршлагыг Бурханы орон руу авч оддог. Сэтгэл бол бурханлаг очийг тээгч. Сэтгэл нь Бурхантай холбогдож чадах итгэлийг хүнд нүд ирмэх төдийд нээж өгдөг. Харин итгэхгүй тохиолдолд Бурхантай холбогдох боломжийг сэтгэл хаадаг.

Хүний хувьд бие бол тийм ч чухал биш, харин сүнс болон сэтгэлд зориулагдсан зөвхөн газар дэлхий дээр хэрэглэгдэх бүрхүүл юм. Тэгэхээр өнөө үед ихэнх хүмүүс итгэдэг шиг бие үхлээ гэхэд бүх юм дуусахгүй. Харин амьдрал цааш үргэлжилсээр. Амьдрал бол биеэс шалтгаалахгүй.

Хүн өөрөө муу биш – хэрвээ тэр өөрөө өөрийгөө хайхрахгүй бол тэр муу хүчинд автагдана

Хүн бол сүнс, түүний бие харин газар дэлхий дээр амьдрахад зориулагдсан багаж хэргсэл бөгөөд Бурханы бэлэг. Хүний нэн тэргүүний зорилго бол махан биеэ сайн зүйлд ашиглах, биеийнхээ тусламжтайгаар сайн сайхан бодлыг амьдралд бодитой хэрэгжүүлэхэд оршино. Гэхдээ чөлөөт хүслийнхээ дагуу хүн муу хүчинд биеийг нь ашиглах, хулгайлах, алах, сүйтгэх боломж олгодог. Хүнийг хийж байгаа үйлдлээр нь хэнтэй холбогдсон байна, хэнд үйлчилж байна гэдгийг нь таньж болно: Бурханд уу эсвэл чөтгөрт үү. Тэгэхдээ үүгээр хүнийг сайн уу эсвэл муу юу гэдгийг тодорхойлж болохгүй харин:

“Хүн бол бурханлаг, мөн байсаар ч байх болно. Хэзээч тэр чөтгөрийнх биш, хэзээч тэр буг биш, хэзээч тэр муу хүн биш, харин хэрвээ тэр Бурханыг орхивол, хэрвээ тэр өөрийгөө хайхрахгүй бол, тэр муу хүчинд автана. Муу хүч түүнийг өөрийн дансандаа оруулбал, тэр хүн яах ч аргагүй түүнд үйлчлэх болно. Тэгэхээр хүн муу зүйл хийдэггүй, харин муу хүч хийдэг. Муу хүчнээс бид сайн зүйлийг хүлээх хэрэггүй! Яг үүнтэй адил Бурханаас ямарч муу зүйл гарахгүй!”

“Хэрвээ тэр [хүн] хэт сул бол муу хүчинд автагдана, доош унана, дараа нь тэр урагш хөтлөх замаар явж чадахгүй, учир нь түүний хүч хүрэхгүй, тэр унана, тэр муу хүчний гар дээр унана, тэгсэнээр тэр муу хүчнийх болно. Хэрвээ тэр үед түүнийг тэндээс татаж гаргах авралын болон тусламжийн гар ирэхгүй бол тэр сайхан цаг хугацаагаа алдах болно. Тэгээд тэр хүн муу хүчинд аргагүй эрхэнд үйлчилнэ.”

Бодол бүр өөрийн нөлөөтэй

Хүн бүрийн үүрэг бол өөрийн биеэ эмх цэгцтэй байлгах явдал. Сөрөг бодол, муу үг, муу үйлдэл тус бүр хүний биед муугаар нөлөөлдөг. Өөрөөр хэлбэл, хэрвээ сүнс Бурхантай холбогдоогүй буюу мөн сөрөг хүчинд зориулагдвал махан бие өвчлөнө.

Хэрвээ сэтгэл бурханлаг эрч хүчийг оруулахаар дахин нээгдээд сүнстэй холбогдвол, түүний үр дагавар нь биеийг эрүүл болгож эхэлнэ. Ийм учраас өөрийн сүнсээ хадгалах нь маш чухал. Хэзээч эдгэрлийг амалж болохгүй. Хүн яаж сайн сайханд өөрийгөө нээх, Бруно Грёнингийн сургаалыг яаж хүлээж авах нь тухайн хүнээс хамаарна. Биеийг эмчилнэ гэдэг зөвхөн түүнд үзүүлэх үр нөлөөтэй л зууралддаг болохоос өвчний шалтгааныг устгахад чиглэдэггүй. Үүнийг зөвхөн хүн өөрөө хийж чадна. Үүний тулд Та “их эргэлт”-ийг хийнэ.

Бодол бол хүч мөн

Эерэг бодол бол бүтээгч, сөрөг бодол бол сүйтгэгч

Бруно Грёнинг өөрийг нь сонсож байгаа хүмүүст өөрийн бодлоо хянаж байх, зөвхөн сайн бодлыг хүлээн авахыг байнга шаарддаг байсан. Бурхан болон чөтгөр нь зөвхөн эрч хүч биш, мөн бодлын эх ундрага. Эндээс бодлууд зогсолтгүй илгээгдэж байдаг: Бурхан сайныг харин чөтгөр мууг. Бруно Грёнингийн үзэж байсанаар хүн бодлыг бий болгодоггүй, харин бодлыг хүлээн авах чадвартай.

“Хүн ямар бодол хүлээн авах нь маш чухал, яагаад гэвэл бодол бол хүч. Хэрвээ хүн сайн сайхныг хүсвэл, түүнд Бурхан туслах болно. Харин мууг хүсвэл, түүнд чөтгөр туслана.”

Хүн өөр рүү нь ирж байгаа бүх бодлыг хүлээн авдаггүй. Харин ямар бодлоос татгалзах, ямраас татгалзахгүй гэдгээ хүн өөрөө шийднэ. Сонголтоо тухай бүр маш нухацтай хийж байх ёстой. Бодол бүрийн цаана хүч байдаг: Эерэг бодол бол бүтээгч, сөрөг бодол бол сүйтгэгч; баяртай мэдээ урам зориг өгдөг бол, гунигтай мэдээ хүний зоригийг мохоодог. Бодол бол оюун санааны хүч. Бодолд өөрт нь хүч байдаг. Түүнийг өнөөгийн хүн төрөлхтөн бараг л төсөөлж чадахгүй. Хайраас ундарсан бодол хүнийг өөрийн амьдралаа бусдад зориулах тэмүүлэлтэй болгодог бол өшөө хорсол дагуулсан бодол бусдыг алахад хүргэнэ. “Муу бодол бүрээс өөрийгөө хамгаалаарай!”

“Та өөртөө хүлээн авч байгаа бүхнээ буцаагаад өөрөөсөө гаргадаг”

“Та өнөөдрийг хүртэл ухамсартайгаар дараах зүйлийг мэдэж авсан байх, хэрвээ та нэг л муу бодлыг хүлээн авсан бол дараа дараагийн муу бодлууд Танд илгээгддэг. Үүний дараа Та муу үгс хэлдэг. Тэгэхээр өөртөө хүлээн авсан бүхнээ Та буцаагаад гаргадаг.“

“Зөвхөн нэг л муу бодол хүлээн авсан бол Та муу хүчний зарц, үнэхээр Чөтгөрийн зарц болно! Та сэрэмжтэй бай!"

Хүн хүслийнхээ дагуу үйлдэл хийдэг

Хүн эргэлзээ, айдас, сэтгэл гутранга байдал эсвэл албан шахалтын үр дүнд илгээгдэх бодлын эсрэг юу хийж чадах вэ?, яаж эдгээрээс биеэ хамгаалах вэ? Энэ бүгд хаанаас ч юм бүү мэд гэнэтхэн гарч ирээд, хүн рүү давшлан, тайван байдлыг нь алдагдуулдаг. Хүн юу хийх ёстой вэ?

Чөтгөр хүмүүсийг жижиг ч бай, чухал биш ч бай сөрөг бодлоор солиоруулж, түүнийг бурханы замаас холдуулдаг. Чөтгөр хүнийг айлгах, уурлуулах, сайн зүйлд эргэлзэх, түүнчлэн Бурханы хуулийг зөрчихөд хүргэнэ. Энэ зорилгодоо хүрэхийн тулд өөр рүү нь маш хялбар амархан илгээгддэг муу бодол, муухай мэдрэмжийн бай нь Та гэдгийг хүнд итгүүлэхийг оролддог. Харин энэ бол худал бөгөөд түүний зальт арга.

Бурхан юу сэтгэх, ярих, хийх зүйлээ өөрөө шийдэж чаддаг хүнийг бүтээсэн. Ямар нэг муу бодол түүний дотоод сэтгэлийг эзэмдэхэд хүрвэл тэр тайвнаар, тэгэхдээ шийдэмгийгээр тухайн бодлоос салж чаддаг. Хэрвээ хүн энэ байдалдаа баттай зогсож чадвал муу хүч суларч улмаар түүнийг эзэмдэн захирч чадахаа болино. Хүн өөрийн хувь тавилангаа өөрийн хүслээр шийддэг. “Хүн хүслийнхээ дагуу хүссэн үйлдлээ хийдэг. Хүсэл нь ямар байна, бодол нь тийм байна. Бодол хүнийг хөдөлгөж, ямар нэг үйлдэл хийлгэнэ.”

Эхлээд эрүүл болох хүсэл төрөх ёстой

Бруно Грёнинг маш энгийн жишээгээр бодлын ач холбогдолыг харуулсан байдаг. Байшин барих тохиолдолд эхлээд байшин барих хүсэл төрнө. Дараа нь бодлууд улам нарийн болсноор тодорхой төлөвлөгөө боловсруулагдана. Энэ хүртэл барилгын ажил ирээдүйн шинэ байшингийн эзний хийсвэр мөрөөдөл хэвээр байна. Байшингаа жинхэнээр барих ажил нь маш олон бэлтгэл ажил хангагдсан, олон дахин ухаанаа уралдуулсны эцэст эхэлнэ.

Эдгэрэл бол яг үүнтэй адил. Эхлээд эрүүл байх хүсэл төрнө. Дараа нь бодлоороо өвчнөөсөө сална, ингэснээр эрүүл болж байгаа итгэл төрнө. Хамгийн сүүлийн алхам бол биед эдгэрэл явагдана. Энэ нь хүний хийж байгаа ажил биш харин Бурханы өршөөл энэрэл юм. Хүн үүнийг мөнгөөр авч чадахгүй харин олж авч болно.

“Сайн” ба “Муу” туйлууд

Хүн энэ туйлуудын дунд амьдардаг бөгөөд байнгын сонголт хийж байдаг

Хэрвээ хүн чөлөөт хүслийнхээ дагуу шийдвэр гаргах боломж олдвол, тэр өөрөөсөө: Ямар сонголтууд байна вэ? гэдгийг асуудаг. Бруно Грёнинг энэ талаар ийн хэлж байсан: “Найз нар аа, хүн сайн, муу хоёрын дунд амьдардаг гэдгийг дутуу үнэлж, бас мартаж болохгүй. Яг дунд нь шүү. Сайн нь ч, муу нь ч байгаа тэр орчинд хүн амьдардаг, шийдвэр ч гаргадаг.”

Хүн сонголтоо хийнэ. Тэр сайн эсвэл муу зүйл хийж чадна. Хажуугийн хэн нэгэн нь хүнд байдалд орсон байхад хүн түүнд тусалж чадна, мөн хажуугаар нь анзаарахгүй яваад өнгөрч болно эсвэл бүр түүний зовлонгоор тоглож чадна. Тэр өөрөө юу хүснэ түүнийгээ л хийнэ. Хүн амьдралдаа санаатай болон санамсаргүйгээр сайн эсвэл муу замаар явах сонголт хийх салаа замын уулзвар дээр зогсож байдаг. Хувь тавиланг ихэнхдээ өдөр тутам тохиолдох үйл явдлууд тодорхойлдог.

Жишээ нь: хэрвээ хүн үнэн үг хэлсэнд уурлан найзаасаа холбоогоо таслах, даргатайгаа муудалцсанаас болоод ажлаа өгөх, бардам зангаасаа болоод нэг л удаа тохиолдох саналаас татгалзвал ямар байх вэ? Гэнэтийн гаргасан шийдвэрээсээ болоод хожим нь гэмшээд ч барахгүй, буцааж хэвэнд нь оруулж болохгүй зүйлийг маш олон хийдэг. Нүд ирмэхийн зуурт л ирээдүйн бүхэл бүтэн амьдралыг сайн эсвэл муу болгож чадна.

Бүтээх болон сүйтгэх эрч хүч

Яаж энэ хийгдэх вэ? “Сайн”, “Муу” ойлголт юуг илэрхийлдэг вэ? Хүний бүхий л амьдрал түүний сохороор хийсэн санамсаргүй үйлдлийн бүтээгдэхүүн биш гэж үү?

Бруно Грёнингийн хэлсэнээр Сайн зүйл Бурханаас ирдэг. Муу нь түүний эсрэг талаас ирнэ: Чөтгөрөөс! Энэ үнэхээр байдаг бөгөөд түүний зорилго нь сайн сайхан, бурханлаг бүхнийг устгахад оршино. Бруно Грёнинг: “Сайн сайхан, бурханлаг бүхнийг устгахыг хэн хийж байна, хэн хийхгүй байна? Өвчин хаанаас ирдэг? Энэ дэлхий дээр өвчин яагаад улам ихсээд байна? Та юу хүссэнээ ав даа, ямар нэгэн жимс эсвэл өөр нэгэн амьтай зүйл. Түүнийг чинь бүгдийг нь сүйтгэхээр Чөтгөр байнга л оролдоод байя гэж бодъё. Хүмүүсийг зовоох бүх зүйл түүнд байдаг.

“Чөтгөр, энэ дэлхий дээр амьдарч байдаг бөгөөд тэр Сайн болон Бурханлаг бүхнийг сүйтгэхийн тулд бүгдийг туршдаг.”

“Хаана Бурхан, тэнд хайр, хаана чөтгөр, тэнд дайн дажин.”

Оюун санааны ертөнцөд хоёр туйл бие биенийхээ эсрэг оршин байдаг. Бурхан өөрөө амьдрал, харин чөтгөр амьдралыг сүйтгэхийг хүснэ. Тэдэнд өөр өөрийн оюун санааны арми байх ба тэд бие биений эсрэг тэмцлээ бүх хүчээ дайчлан хийдэг. Хоёр тал хоёулаа хэмжээлэшгүй их энергитэй. Тэдний тухай Бруно Грёнинг энгийн үгээр ийн тодорхойлсон байдаг: “Бурханлаг эрч хүч бүтээгч бол, муу, чөтгөрийн эрч хүч бол сүйтгэгч.”

Энэ хоёр эрч хүчийг хүн өөрөө хүлээн авч, биедээ болон сэтгэлдээ нөлөөлүүлж чадна. Нэг нь хүчтэй бөгөөд бүтээгч, нөгөө нь сулавтар бөгөөд сүйтгэгч. Эерэг эрч хүч эрүүл мэндийг өөртөө агуулдаг бол сөрөг хүч нь өвчин тээж явдаг.

Өвчин бол Бурханы шийтгэл биш, харин буруу бодол, муу үйлдлийн үр дагавар

Бруно Грёнинг өвчин бол муу эрч хүчнээс ирдэг болохоос олон хүний баталдаг шиг Бурханы шийтгэл биш гэж хэлсэн байдаг. Ийм бодлуудыг Бруно худал хуурмаг зүйл гэж үздэг бөгөөд үүнийг бүр мөсөн үгүйсгэсэн юм. Бурхан шийтгэдэггүй! Өвчин бол муу бодлын болон муу үйлдлийн үр дагавар мөн. Хэрвээ өвчний шалтгаан нь өөрчлөгдвөл, хүнд үзүүлэх нөлөө нь мөн алга болно. Энэ бол Бурханы хүсэл.

“Хүмүүсийн итгэдэг шиг, өвчин Бурханы шийтгэл гэдэгт итгэж болохгүй. Хэрвээ хүүхэд эцэг, эхийнхээ гэрийг орхин явбал эцэг, эх нь хүүхдээ тэврэн, түүнийг хамгаалж чадахаа болино. Яг үүнтэй адил бид өөрсдийн эцгээ орхисон. Бид Бурханы хүүхэд гэдгээ мартаж болохгүй. Зөвхөн Тэр бидэнд тусалж чадна! Хэрвээ бид түүн рүү явах замаа дахин олбол Тэр бидэнд туслана.”

Чөлөөт хүсэл

Өвчиндөө эсвэл эрүүл болохын алинд итгэхээ хүн өөрөө л шийднэ

Дотоодоо ойлгох

Хэрвээ эдгэрлийн явцад өвдөлт бий болоход Regelungen гэж бодох нь тийм ч хялбар биш. Олон хүмүүс эргэлздэг: “Энэ Regelung-ийн өвдөлт үү эсвэл өвчний зовиур уу?” Алинд нь итгэх тал дээр дотоодтойгоо тэмцдэг. Яг энэ агшинд хүн эдгэрэл хүртэж чадах эсэх, эдгэрлийн явц хир удаан үргэлжлэх нь шийдэгддэг. Энэ нь хүн та өвчний тухай бодол эсвэл эдгэрлийн талаарх бодлын алинд нь илүү анхаарал тавьж байгаагаас шалтгаална. Хүн цаашдаа өвчиндөө илүү итгэвэл та өвчнөө аваад л үлдэнэ. Харин эрүүл болно гэдэгт итгэвэл эдгэрлийн явц үйлчилж эхэлнэ. Хүн өөрөө яахаа шийднэ.

Хүчинд автаж хэн ч эрүүл болох ёсгүй, тэр зөвхөн өөрөө хүсч, сонгоно

Энэ бол Бруно Грёнингийн сургаалын нэг чухал үзэл баримтлал юм. Бурханы хүнд зориулсан хамгийн том бэлэг бол хүний чөлөөт хүсэл. Энэ талаар Бруно Грёнинг байнга онцолж хэлдэг байсан. Тэр хүнийг шүүн яллагдах тавцангаас Бурхан эцгийн тушаалыг хүчээр биш өөрийн хүслээр дагах хүүхдийн тавцанд авчрахыг хүсдэг. Гэхдээ чөлөөт хүсэл нь Бурханы хуулийг зөрчихид хүргэх талтай.

Бруно Грёнинг хүний чөлөөт хүслийг хамгийн өндөрт тавьдаг. Тийм учраас өвчнөөс өөрийгөө чөлөөлөхөд бэлэн байж, тусламж авахыг хүссэн хүнд л тэр тусалж чадна. Түүнд өөрөө хүсээд өгсөн зүйлийг л тэр хүнээс авна. Хэн өөрийн өвчинтэйгээ зууралдаад, түүний тухай бодоод, яриад, дурсаад байна, тэр эдгэрэл ирэхийг хүлээгээд нэмэргүй. Бруно Грёнинг хэлэхдээ: “Сайн сайхан руу очих замыг олоход нь би хүнд туслах ёстой, харин түүнийг тийш явуулах шийдвэрийг түүний өмнөөс гаргах болон хүчээр түүнийг сайн сайхан руу явуулж болохгүй. Хүн бүр өөрийн явах замаа өөрөө олох ёстой.”

„Regelungen“

Биед хийгдэх цэвэрлэгээ эхэн үедээ өвдөлт өгч болно

„Regelungen“ бол цэвэрлэх явцын нэг хэсэг мөн

Зарим хүмүүс Heilstroms хүлээн авахдаа өвдөлт мэдэрдэг. Уг үзэгдлийг Бруно Грёнинг „Regelung“ гэж нэрлэсэн. Энэ бол биед хийгдэж буй өөрчлөлтийн шинж тэмдэг юм. Regelung-ийн өвдөлтийг өвчний өвдөлттэй харьцуулшгүй. Энэхүү өвдөлт Heilstrom-ын нөлөөгөөр бий болдог ба өвчилсөн эрхтнүүдэд хийгдэж байгаа цэвэрлэгээний илрэл юм. Курт Трамплер (Эдгэрсэн, Бруно Грёнингтэй хэсэг хугацаанд хамт ажиллаж байсан, сэтгүүлч, зохиолч) энэ тухай ийн бичсэн байдаг: “Regelung-ийн өвдөлт тусламж хайж буй хүмүүсийг ихэнхдээ төөрөгдүүлдэг. Regelung-ийн өвдөлт зайлшгүй байх ёстой. Энэ өвдөлтийг мэдэрсэн хүн ихэнхдээ сандарч, болохоо байлаа гэдэг. Тэд айж сандран, ийн хэлдэг: Бие улам дордоод байна, эмчид очъё. Грёнинг: ‚Тийм учраас би та нарт анхааруулдаг шүү, хэрвээ Regelung-ийн өвдөлтийг мэдэрвэл тэвчээртэй бай. Ямар ч муу зүйл тохиолдохгүй, харин хүн зөвхөн эрүүл болно.,”

Regelung-ийн өвдөлт заавал байх ёстой. Энэ бол цэвэрлэх явцын нэг хэсэг бөгөөд энэ үед өвчний бохирдол оюун санааны замаар биеэс гадагшилдаг.

Regelung-ийн явц

Бруно Грёнинг Regelung-ийн үзэгдлийг гашилсан сүүний савны жишээн дээр тайлбарладаг. Саванд байгаа гашилсан сүүг шинэ сүүгээр солихын тулд юу хийх хэрэгтэй вэ? гэж тэр асуусан. Хариулт нь ойлгомжтой: Эхлээд гашилсан сүүг асгаад, дараа нь саваа цэвэрлэнэ. Хүний бие дээр ч яг үүнтэй адил байдаг. Хүний биеийг сүүний савтай, гашилсан сүүг өвчинтэй, шинэ сүүг эрүүл мэндтэй адил гэж төсөөл, дараа нь хүн бодлоороо өвчнөө – гашилсан сүүг хөөж гаргана. Ингэснээр бие махбодь өвчний “Бохир”-оос цэвэрлэгдэнэ - энэ бол Regelungen. Сайн цэвэрлэгдсэн саванд шинэ сүүг хийнэ гэдэг нь хүний бие рүү эдгэрэл орж байгаа гэсэн үг.

Хүний биеийг жимсний тавагтай харьцуулсан бас нэг өөр жишээг татдаг байсан. “Та нэг таваг ав. Тэр таваг дүүрэн жимстэй бүтэн өдрийн турш байсан байж. Өөрөөр хэлбэл, хэн ч тэр таваганд санаа тавьсангүй, түүнийг яах ёстойг ч мэдээгүй тул жимс нь муудаж. Тийм учраас Та ч түүнд дургүй байсан. Тэгтэл хэн нэгэн ирээд танд эрүүл, шинэ жимс өглөө гэж төсөөлье. Хэрвээ шинэ, эрүүл жимсийг нөгөө муудсан жимсэн дээр тавибал үнэхээр тэнэг хэрэг болох байсан. Учир нь жимс яаж муудсан, түүний адил шинэ жимс муудах болно. Хэрвээ Та эрүүл жимстэй байхыг хүсвэл, эхлээд Та муудсан жимсээ авч хаяна. Ингээд зогсохгүй шинэ жимсээ хийхийн тулд жимсний тавгаа маш сайн угааж цэвэрлэнэ. Жимсний савыг өөрийн биетэй, муудсан жимсийг өөрийнхөө өвчилсөн эрхтнүүдтэй, шинэ жимсээ өөрийн эдгэрэлтэй харьцуулаарай. Хэрвээ Та муудсаныг хаяхгүй бол, өөрөөр хэлбэл, энэ тохиолдолд хэрвээ Та өөрийнхөө өвчинтэй зууралдаад байвал хүсэн хүлээж буй эдгэрэл явагдах боломжгүй болно.”

„Einstellen“

Бурханлаг Heilstrom-ыг хүлээн авахаар бие болон сэтгэлээ зөв бэлтгэх байдалд оруулах

Heilstrom-ыг Бруно Грёнинг эдгэрэхэд нөлөөлдөг оюун санааны эрч хүч гэж тодорхойлсон. Тэр бас ойролцоо утга бүхий анагаагч долгион, бурханлаг эрч хүч гэсэн үгийг хэрэглэдэг байв. Хүн яаж Heilstrom-ыг хүлээн авах, бурханлаг эрч хүчийг авахдаа өөрийгөө яаж нээж өгөх вэ? Бруно Грёнинг тусламж хайж буй хүмүүст дараах суух байдлыг зөвлөдөг: Гар, хөлөө зөрүүлэхгүй байх, гарын алгаа дээш харуулан гуян дээрээ тавих. Үүний зэрэгцээ бүх саад болж байгаа бодлоо орхих, зөвхөн өөрийн биед юу болж байгаад анхаарлаа төвлөрүүлэх. Үндсэн нөхцөл нь бишрэн шүтэж оюун санаагаа нээж өгөх явдал. Ийм байдалд хүн анагаач эрч хүчийг биеэрээ урсган оруулна. Бруно Грёнинг ийн хэлж байсан: “Бурхан бидэнд бүх л сайн болгоныг өгдөг. Бид харин түүний бидэн рүү илгээж байгаа бүгдийг өөртөө хүлээн авах хэрэгтэй. Үүнийг л - Та хий!”

Яагаад бидний биеийн байрлал чухал гэдгийг тэр тайлбарлахдаа: “Хэн нэгэн чөлөөтэй хөдөлж чадах биетэй ч, бие нь түүнийг байнга хөдөлгөөнгүй байлгах дуртай байдаг. Энэ бол дадал зуршлын хүч. Нэг хөлөө нөгөө өвдгөн дээгүүрээ давуулан тавих; мэдээж тухайн хүн өөртөө эвтэйхнээр завсар зайгаар тухлан сууж болно. Өөрөөр хэлбэл, тухайн хүн сайн, бурханлаг зүйлийг хүлээн авах яг тэр мөчид өөрт тухтай байдлаар сууж болохгүй. Харин яг тэр үед хүн өөрийгөө чөлөөлөн, алга хоосон, гараа дээш харуулаад суух эсвэл зогсох ёстой!“

Курт Трамплер (Эдгэрсэн, Бруно Грёнингтэй хэсэг хугацаанд хамт ажиллаж байсан, сэтгүүлч, зохиолч) өөрийн бичсэн Их эргэлт номондоо: “Чухал [...] зүйл бол дотоод сэтгэлээс гадна гадаад биеийн байрлал. Суухдаа нуруу тэгш, хөл, гараа зөрүүлж давхарлан байрлуулахгүй. Гараа хооронд нь шүргэлцүүлбэл Грёнингийн тайлбарласанаар биеийн дээд хэсгийн амьдралын урсгал тасарна. Хөлөө ачиж суувал биеийн доод хэсэгт мөн адил хохирол учирна. Хэн ийм алдааг зуршил болгоно, тэр аажмаар өөртөө таагүй өвчнийг дуудах болно.” гэж бичжээ.

Та өөрийн бие дотроо юу мэдэрч байгаадаа анхаарлаа хандуул

Эрч хүчийг ухамсартай хүлээн авч байгаа үйлдлийг Бруно Грёнинг “Einstellen“ гэж нэрлэсэн. Хүн Heilstrom хүлээн авахаар “einstellen” хийдэг. Хаана, хэзээ хийх нь хамаагүй. Харин амгалан тайван, саад болох бодолгүй, өөрийн биед юу мэдрэгдэж байгааг нэг бүрчлэн ажиглах нь хамгийн чухал. Бруно Грёнинг өөрийг нь сонсож байсан хүмүүсээс Та юу мэдрэв гэдгийг байнга асуудаг байсан.

“Та жинхэнэ, бурханы сувгийг хүлээн авах, тодруулан хэлбэл, олж авахын төлөө einstellen хийдэг. Яаж энэ сувгийг олж авахаа Та өөрөө тодорхойлно. Гэхдээ би байнга дахин дахин хэлэх болно, юу гэвэл, Та өөрийн биедээ үнэхээр анхаарал тавь, биеийнхээ эргэн тойронд биш, харин бие дотроо, өөрийн бие дотор юу болж байгаад анхаарал тавь.”

Хүн бүр өөрийн биедээ Heilstrom-ыг мэдэрч чадна. Нэг нь ирвэгнэхийг мэдэрч байхад, нөгөө нь хүйтэн эсвэл халууныг мэдрэнэ. Гуравдагч этгээд гар эсвэл хөлөө хөдөлгөх, дөрөв дэх нь чичрэх. Heilstrom хүлээн авсанаар хүн бүр өөр өөр хариу үйлдэл үзүүлдэг.