Jugend

Kunlabora helpo en la Amikaro

Filmado, fotado, muzikado, tradukado – fari bonon por si mem kaj aliaj

Bruno-Gröning-Amikaro sen junuloj estas simple neimagebla, ĉar la junuloj per sia propra nekatenata iniciatemo kaj ĝojo je novaj aferoj alportas multe da elano.
La junuloj estas almenaŭ same aktivaj ĉe prizorgado de teĥnikaĵoj kiel la plenkreskuloj, ekzemple en la filmteamo dum dokumentado de saniĝoj kaj aliaj filmprojektoj. Kaj ili estas la motivanta forto, kiam temas pri evoluigo kaj apliko de la plej lastaj sistemoj de registrado kaj komunikado.
Ankaŭ ĉe fotado la junuloj entuziasme helpas.
Komuna kantado ĉe junul-konferencoj kaj junul-semajnoj estas tre populara kaj estas farata kun multe da ĝojo.
Kiu havas propran instrumenton, kunportas ĝin al konferencoj, kie oni spontane renkontiĝas kaj kune muzikas.
Du fojojn jare la granda koruso kaj orkestro de la Amikaro renkontiĝas por registri sur KD-oj mem-komponitajn muzikaĵojn, ĉe kiuj multaj junuloj kunlaboras.
Ĉe la konferencoj de la Amikaro homoj el plej diversaj landoj partoprenas, kaj ankaŭ junuloj partoprenas en la samtempa interpretado de la konferencoj.
Junaj homoj ĉeestas ankaŭ ĉe publikaj prelegoj por informi helposerĉantojn pri la eblo ricevi helpojn kaj saniĝojn sur spirita vojo.
Multaj junuloj kunveturas kun plenkreskuloj el plej diversaj landoj por fondi kaj apogi komunumojn tie. La saniĝoj, kiujn ili dume spertas, igas ilin konscii, ke ilia kontribuo al pli bona mondo ne estas vana.

Junulaj komunumoj

Vigla interŝanĝo inter similpensantoj

Jugendgemeinschaften im Bruno Gröning-Freundeskreis En la Bruno-Gröning-Amikaro estas ankaŭ multaj junaj homoj kaj adoleskantoj 14 ĝis 27-jaraj, kiuj regule renkontiĝas en junulkomunumoj kaj multlingvaj interretaj konferencoj tutmonde. Ili pridiskutas spertitajn aŭ deziratajn saniĝojn kaj interŝanĝas informojn pri tio, kiel ili spertas la instruon de Bruno Gröning en sia ĉiutaga vivo.

Temas pri specife junulaj aferoj, ekzemple:

helpoj en lernejaj tagoj kaj lernado
korpaj kaj animaj saniĝoj
valoraj spertoj rilate al partnerecoj
vivoĝojo
natura memfido kaj fido je Dio
konscio pri propraj kapabloj
amo al la naturo
la celo de la vivo
natura rilato al la kredo je Dio
pozitiva sinteno al la vivo

Estas antaŭ ĉio propraj spertoj pri saniĝoj kaj helpoj kaj vigla interŝanĝo kun similpensaj homoj, kiuj motivas la junulojn realigi ĉiutage la instruon de Bruno Gröning.

Junulaj aktivaĵoj

Montgrimpado, skiado, velveturado – aktiva spertado de la naturo

Montgrimpa semajno por junuloj en Filzmoos (Aŭstrio): ĉiusomere junuloj el la tuta mondo renkontiĝas ĉi tie kaj faras amikajn kontaktojn dum komunaj grimpadoj en montoj.
Episkopa Mitro en Filzmoos (Aŭstrio): estas io aparte valora, kiam oni povas kune kun similpensuloj esplori la sonĝecan montomondon kaj enpreni novan vivenergion.
Migra semajno printempe en Filzmoos (Aŭstrio): ankaŭ ĉi-semajnfine junuloj renkontiĝas piede de Episkopa Mitro por kune migradi.
La vintra neĝo ankoraŭ ne degelis kaj ĝi invitas al glitado.
Neĝa semajnfino en Braunwald (Svislando): ĉe skiado, „neĝosurfado“, sketado, kaj surneĝa marŝado oni povas ĝui la fortodonajn montojn kaj ligi sin al la belo de la naturo.
Skiada semajnfino en Prättigau (Svislando): neniu monto estas tro alta, nek vojo tro longa, kiam oni volas atingi celon.
Velvetura semajno en Kroatio: sporta velveturado ĉe bona vento. Ĉi tie la junaj geamikoj de Bruno Gröning spertas sunon, venton, kaj maron.
Paŭzo dum naĝado en kroata Maro.
Junula semajno en Bollmannsruh (Germanio): per komuna kantado kaj vivosaĝaĵo de Bruno Gröning oni salutas la novan tagon.
Post la matena komunuma kunsido estas malvarmetiga freŝigo en lago.